Ապահովում է կազմակերպության առաջխաղացումը. Vito Panel Van (բեռնատար)

Դուք պետք է շուտ սովորեք գնահատել Ձեր Vito-ն որպես գործընկերոջ։ Այդ պատճառով մենք անում ենք ամեն ինչ՝ երկարատև և փոխադարձ վստահության վրա հիմնված հարաբերությունների համար։ Դուք ստանում եք Mercedes-Benz-ի որակով կատարելագործված ավտոմեքենա, որը 5,5 մլն. փորձնական կիլոմետրեր և հաջողությամբ բազմաթիվ փորձեր է անցել։ Vito-ն նախատեսված է կոմերցիոն նպատակով օգտագործվող ավտոմեքենաներին ներկայացվող խիստ պահանջների համար։ Իսկ նրա ընդարձակ հակակոռոզիոն պաշտպանությունը ամբողջովին ցինկապատ թափքով հոգում է այն մասին, որ այն անգամ շատ տարիների անց պատշաճ կերպով ներկայացնի Ձեր կազմակերպությունը, հանդիսանալով նրա այցեքարտը։

Հավաստի է հետևյալը. Vito-ի դեպքում Դուք ընտրում եք մի ավտոմեքենա, որին Դուք կարող եք վստահել։ Իր հասանելիության շնորհիվ այն կաջակցի Ձեզ ամենուրեք Ձեր առաջադրանքները կատարելիս։ Քանի որ մեզ համար «Mercedes-Benz Vans։ Ծնված են վազքի համար» արտահայտությունը ոչ միայն կարգախոս է, այլ նաև խոստում։

Ով խնայողաբար է վերաբերվում ռեսուրսներին, նա միշտ կազմակերպության ողջունելի գործընկեր է։ Դրա համար Vito-ն բերում է իր հետ ամեն ինչ, Ձեր կազմակերպությունը իր արդյունավետությամբ ավելի հաջողակ դարձնելու համար։ Սկսած 100 կմ-ի համար 5,7 լ-ից սերտիֆիկացված ծասխով [Vito Panel Van 7 Vito Mixto 116 CDI BlueEFFICIENCY փաթեթի և 7G-TRONIC PLUS-ի և բեռնատարի թույլտվության հետ (N1)։ Խառը ցիկլում՝ 5,8–5,7 լ/100 կմ վառելիքի ծախսով; Խառը ցիկլում՝ 153–150 գ/կմ]¹ [*] CO₂-արտանետումների հետ Դուք խնայում եք ճանապարհին։ Արժեք, որը կարող է օրինակ ծառայել։ Հենց այնպիսին, ինչպիսին Mercedes-Benz-ի հատկանշական վստահելիությունը և երկարակեցությունն են։ Հոգ է տանում այն մասին, որ Ձեր Vito-ն լինի Ձեր կողքին, երբ Դուք կունենաք դրա կարիքը։ Դրան են նպաստում նաև տեխսպասարկման երկար միջակայքերը՝ մինչև 40.000 կմ։ Ընդհանուր առմամբ ապրանքի բացառիկ որակը լավագույն նախապայմանն է սպասարկման և վերանորոգման բյուջեն ցածր պահելու համար։ Որպեսզի Vito-ն տարիներ անց նույնպես լավ տեսք ունենա, մենք նրան օժտել ենք հրաշալի հակակոռոզիոն պաշտպանությամբ, ի թիվս այլնի նաև ամբողջովին ցինկապատ թափքով։

Vito-ի օրինակելի անվտանգության և օժանդակ համակարգերից օգտվում են բոլորը. Դուք, Ձեր ուղևորները և անգամ երթևեկության մնացած մասնակիցներ։ Vito-ով հրաշալիորեն տեղափոխվում է նաև Ձեր բեռը։ Արդեն որպես սերիական համալրում առաջարկվում են կողմնային քամու, զգոնության՝ ATTENTION ASSIST համակարգերը, վարորդի անվտանգության բարձիկը, կողքի ուղևորի անվտանգության բարձիկը Vito Mixto-ի համար, համադրված բեռնատար մեքենայի թույլտվության հետ(M1)², ինչպես նաև նորագույն սերնդի էլեկտրոնային կայունացման ADAPTIVE ESP® համակարգը։ Վարման դինամիկայի կարգավորման մեջ վերջինս հաշվի է առնում նաև մեքենայի բեռնվածությունը։ Մեքենայի B կանգնակին փակցված QR-կոդով փրկարարական պիտակը հնարավորություն է տալիս փրկարարներին անմիջապես սկանավորել մեքենայի անհատական փրկարարական քարտը։

Բացառիկ առանձնահատկություններից մեկը որպես օպցիոնալ համալրում առաջարկվող COLLISION PREVENTION ASSIST համակարգն է, որը արտաքաղաքային ճանապարհներին վերահսկում է առջևից ընթացող մեքենայի և Ձեր միջև ընկած տարածությունը և նախազգուշացնում հնարավոր բախման մասին։ Ցանկության դեպքում առաջարկվում են նաև լուսամուտի և կրծքավանդակն ու կոնքը պաշտպանող անվտանգության բարձիկներ վարորդի և կողքի ուղևորի համար, ինչպես նաև կանխարգելիչ-պաշտպանիչ PRE-SAFE® համակարգը ուղևորների համար։ Իսկ եթե Դուք ցանկանում եք ընդլայնել Ձեր Vito-ի անվտանգության համալրումները, ապա վստահաբար կգտնեք դրանք լրացուցիչ անվտանգության համալրումների մեջ³։ Նրանք բոլորն ունեն մեկ ընդհանրություն. դրանք օգնում են Ձեզ անվտանգ հասնել Ձեր նպատակին։

Vito-ի մեջ տեղ կա ամեն անհրաժեշտ բանի համար։ Մինչև 1374 կգ (Panel Van) օգտակար բեռի հնարավորությամբ և մինչև 3 մ բեռնասրահի երկարությամբ⁴ այն մեծ քանակությամբ բեռ է վերցնում որպես 3200-կգ զանգվածով ավտոմեքենա։ Սակայն դա ամենը չէ. մեքենայի երկարության 3 տարբերակներով, անվային բազայի 2 տարբերակով, ճկուն ամրակապման համակարգերով և պրակտիկ միջնորմերով այն առաջարկում է բազմակողմանի անհատականացումներ և մասնագիտացումներ Ձեր մասնագիտական տրանսպորտային լուծումների համար։

Վերջիվերջո առաջադրանքը ոչ միշտ է առաջադրանք։ Հատկապես այն դեպքում, երբ Դուք բեռի հետ մեկտեղ ցանկանում եք տեղափոխել նաև մարդկանց։ Այդ հարցում Vito Mixto-ն ճիշտ տարբերակ է։ Մասնակի ապակեպատման, հարմարավետ նստեցման և կարգավորվող՝ մինչև 6 անձի համար նախատեսված նստելատեղերի շնորհիվ նրա մեջ համադրվում են ֆունկցիոնալությունն ու հարմարավետությունը։ Անհրաժեշտության դեպքում օպցիոնալ առաջարկվող հետևի նստարանը կարելի է ապամոնտաժել ձեռքի մի քանի շարժումով։

Ի դեպ՝ նրա դռների մեծ բացվածքի և ցածր բեռնեզրի շնորհիվ Դուք Vito-ում հեշտությամբ կհաղթահարեք անգամ ծանր խնդիրները – բեռնման և բեռնաթափման ավելի մեծ հարմարավետությամբ, արդյունավետությամբ և անվտանգությամբ։

Անդրադառնանք Ձեր աշխատանքի հաճելի կողմերին։ Իր ընդարձակ սրահով Vito-ն Ձեզ լավագույն աշխատանքային տրամադրություն կհաղորդի։ Նստելատեղերը համոզիչ են իրենց երեսպատման ամուր գործվածքով, իսկ Ձեր էրգոնոմիկ ներքնակի վրա Դուք հարմարավետ կնստեք երկար ուղևորությունների ժամանակ։ Տարվա ցուրտ եղանակին օպցիոնալ առաջարկվող նստելատեղերի տաքացումը արժեքավոր համալրում է հանդիսանում վարորդի և կողքի ուղևորի համար։ Եթե Ձեզ առջևում տեղ է անհրաժեշտ 2 ուղևորի համար, ապա կարող եք պատվիրել օպցիոնալ առաջարկվող կողքի ուղևորի նստարանը։

Էլեկտրամեխանիկական ղեկի ուժեղացուցիչի և TEMPOMAT-ի, կարգավորվող ղեկասյունով բազմաֆունկցիոնալ ղեկանիվի և բորտհամակարգչի օպցիաների շնորհիվ Դուք հեշտությամբ կկառավարեք մեքենան դեպի Ձեր աշխատանքի վայր։ Օպցիոնալ առաջարկվող օդորակիչը կամ օդորակման ավտոմատ համակարգը օգնում է սառնասրտություն պահպանել։

Ցանկության դեպքում առաջարկվող աուդիոհամակարգերը հոգ են տանում լավագույն կապի և ժամանցի համար, ինչպես նաև Audio 40 կամ Becker® MAP PILOT⁵ նավիգացիոն համակարգերով նաև այն բանի համար, որ Դուք շուտ հասնեք Ձեր նպատակակետին։ Ցանկանում եք ավելի բարձրացնել Vito-ի արժեքը, պատվիրեք սրահի օպցիոնալ քրոմ-փաթեթը։ Եվ քանի որ յուրաքանչյուր լավ նախաձեռնություն սկսվում է լավ պահեստավորումից, այդ պատճառով մենք Vito-ն համալրել ենք բազմաթիվ պրակտիկ դարակներով։