Ամուր հիմք։ Սպրինտեր Շասսի:

Հեռանկարային, տնտեսող, հուսալի:

Հեռանկարային, տնտեսող, հուսալի:

Նա այնքան բազմակողմանի է, որ դուք Ձեր բեռնափոխադրումային առաջադրանքների համար կգտնեք ամենաճիշտ մոդելը: Նոր Սպրինտերը որպես Շասսի առաջարկում է տպավորիչ բազմակողմանիություն երեք երկարությունների, ինչպես նաև ստանդարտ կամ երկշարք վարորդական խցիկների շնորհիվ: Նրա մոդելային տարբերակներն ու բազմաթիվ համալրումները թույլ են տալիս ունենալ ինչպես նվազագույն համալրումով և տնտեսապես շահավետ ավտոմեքենա, այնպես էլ լիարժեք համալրումով ավտոմեքենաներ:

Նրա առավելություններն են. որպես նորույթ առաջնաքարշակ համակարգով համալրված մեքենաների համար առաջարկվում է, օրինակ՝ մատչելի մեկնարկային գին և լրացուցիչ բեռնատարողություն՝ ի տարբերություն հետնաքարշակ տարբերակների: Վարորդները շահում են կառավարման և տվյալների ցուցադրման խելացի լուծումներից, ինչպես նաև պահատեղերի մոդուլային լուծումից, որը հնարավոր է կարգավորել անհատապես՝ յուրաքանչյուր ավտոմեքենայի համար, այնպես ինչպես մուլտիմեդիա և օժանդակող համակարգերը: Նորի հետ միասին մենք պահպանել ենք նաև արժեքավորը: Օրինակ՝ առանց մեծ փոփոխությունների կարող են շարունակել օգտագործվել բազմաթիվ պահպանված լուծումները թափքի կառուցվածքի և ընդլայնման վերաբերյալ:

Այդպիսով, նորարարական ներուժի և ավելի քան 20 տարվա փորձի շնորհիվ, Սպրինտերը կրկին նշաձող է սահմանում որպես հեռանկարային, տնտեսապես շահավետ և հուսալի փոխադրամիջոց, որն առաջ կտանի Ձեր ընկերությունը:

Առանձնահատկություններ

  1. Կոնցեպտ
  2. Կապակցում
  3. Ոլորտային լուծումներ
  4. Անվտանգություն
  5. Արդյունավետություն
Գեղեցիկ է աչքի համար, առավել գեղեցիկ է աշխատանքի համար:


Նոր Սպրինտեր Շասսիի վարորդական խցիկը, Mercedes-Benz-ին հատուկ հովացման համակարգի վանդակաճաղով և ժամանակակից լուսարձակներով, արդեն իսկ աչքի է ընկնում արտաքինից: Սարքավորումների վահանակը նույնպես նորովի է նախագծվել և նույնչափ համոզիչ է իր բարձրակարգ դիզայնի ու հիանալի ֆունկցիոնալության շնորհիվ: Օրինակ՝ խելացի, մոդուլային պահատեղերն ու KEYLESS-START ֆունկցիան:

Ստանդարտ վարորդական խցիկում մինչև երեք ուղևոր կկարողանան մեկնել աշխատանքների կատարման վայր, իսկ երկշարք խցիկում՝ անգամ մինչև յոթ հոգուց կազմված փոքր աշխատանքային խմբեր: Վարորդական խցիկի հետևում Սպրինտեր Շասսին տրամադրում է երեք երկարության համապատասխան հիմքեր բազմաթիվ հատուկ կիրառությունների համար նախատեսված բազմաթիվ թափքերի ու կառուցվածքների համար:

Լրացուցիչ առավելությունների թվին են պատկանում անիվների շարժաբեր փոխհաղորդակների մեծ ընտրությունը. կախված կիրառության ձևից և մեքենավարման ոճից՝ Ձեր Սպրինտեր Շասսին կարող եք պատվիրել առաջնաքարշակ, հետնաքարշակ կամ լիաքարշակ1 տարբերակներով: Փոխանցումներն ապահովվում են 6-աստիճան մեխանիկական փոխանցումատուփով2 կամ ավտոմատ 7G-TRONIC PLUS և «Առանձնահատուկ ավտոմատ փոխանցումատուփեր» բաժնում նկարագրված 9G-TRONIC փոխանցումատուփով3:

Ձեր Mobilität 4.0-ն:

Աշխատանքը հնարավորինս արդյունավետ ու հաճելի դարձնելու համար Սպրինտերի համար առաջարկվում են տարբեր տեսակի ռադիոընդունիչներ, մուլտիմեդիա համակարգեր և կապակցման լուծումներ, որոնք տեղադրվում են ըստ ցանկության: Ցանկացած կարիքի համար ունենք առաջարկ. սկսած սմարթֆոնի բռնիչից, Bluetooth®-ով կապակցման և ձեռնազատ խոսելու ֆունկցիայով ռադիոընդունիչից մինչև բարձր լուծաչափով հպումային էկրանով մուլտիմեդիա համակարգ, արագ նավիգացիա քարտեզների եռաչափ ցուցադրությամբ և սմարթֆոնի ինտեգրում4: Օգտագործումն այնպես է, ինչպես կցանկանայիք՝ պարզ: Մուլտիմեդիա համակարգերն, օրինակ, կարելի է կառավարել բարձր լուծաչափով հպումային էկրանի կամ բազմաֆունկցիոնալ ղեկանիվի վրա տեղակայված կառավարման հպումային կոճակի միջոցով: Կառավարման և տվյալների ցուցադրման բոլոր սարքերն աչքի առջև են և հեշտ ընթեռնելի:
Քանի որ թվային լուծումները կազմում են ժամանակակից աշխատանքային աշխարհի անբաժանելի մասը, մենք համալրել ենք Սպրինտերը կապակցման ներկառուցված մոդուլով, որը հանդիսանում է տեխնոլոգիական հիմք ավտոմեքենայում անընդհատ ինտերնետ-կապ ունենալու համար: Այն թույլ է տալիս օգտագործել Mercedes PRO ծրագրի ներկայիս և ապագա ծառայությունները: Մոդուլի առավելությունների թվին են պատկանում նախապես կառավարվող սպասարկման միջոցով նվազագույնի հասցված կապի ընդհատումները, ուղերթերի թվային մատյանը, ինչի շնորհիվ այլևս թղթաբանության կարիք չկա:

Սպրինտերն այնտեղ է, որտեղ կա բեռնափոխադրման առաջադրանք:

Սպրինտեր Շասսին հնարավոր է դարձնում գրեթե ամեն ինչ. ստանդարտ կամ երկշարք վարորդական խցիկները, ինչպես նաև թափքի երկարության 3 տարբերակները ստեղծում են հիմք տպավորիչ տարբերակների բազմության համար: Ավտոմեքենան լրացուցիչ առանձանահատկություններ է ձեռք բերում շարժիչների չորս տարբերակներով, երեք փոխանցումներով, առաջնաքարշակ, հետնաքարշակ և լիաքարշակ տարբերակներով, ինչպես նաև բազմաթիվ համալրումներով, շասսիի տարբեր տեսակներով և թափքեր արտադրողների կողմից առաջարկվող ոլորտային առանձահատուկ լուծումներով: Դրանցով կարող եք կոնֆիգուրացնել մինչև 5.500 կգ ընդհանուր թույլատրելի զանգվածով ավտոմեքենաներ: Ըստ անհրաժեշտության կիսակցորդի ձևափոխման միջոցով կարող է կցվել նույնիսկ 5.250 կգ, եթե կցորդի ընդհանուր թույլատրելի զանգվածը կազմում է 8.750 կգ:

Ավելի քան 600 հատուկ համալրումներով, այդ թվում օրինակ կցորդների ու շասսիների հատուկ լուծումներով, Սպրինտեր Շասսին կարող է ճշգրտորեն հարմարեցվել Ձեր կարիքներին: Հատուկ ոլորտային պահանջների համար Mercedes-Benz VanSolution-ից կստանաք գործարանային ամբողջական լուծումներ, իսկ Mercedes-Benz VanPartner գործընկերային ծրագրի շրջանակում կառաջարկվեն թափքերի ընդլայնման և ձևափոխման լուծումներ երկհաշիվ գործարքի միջոցով՝ պահպանելով լավագույն որակը:
 

Ապահովում է Ձեր հաջողության ուղին:

Սպրինտեր Շասսին նախատեսված է բացառապես անվտանգություն ապահովելու համար: Դրա համար ամուր հիմք է հանդիսանում նրա հիմնակմախքը, որի կայունությունը պայմանավորված է հատկապես իր կառուցվածքով և նյութերի համադրությամբ:

Դրան գումարվում են նաև բազմաթիվ օժանդակ համակարգեր: Քանի որ անգամ ամենափորձառու վարորդը հայտնվում է այնպիսի իրավիճակներում, որոնցում աջակցությունը ողջունելի է և կարող է օգտակար լինել: Առաջարկվում են ստանդարտ կողային քամուց առաջացող անկայունության կայունարար օժանդակ համակարգը, վթարային իրավիճակում արգելակման ակտիվ օժանդակ համակարգը, արգելակման ակտիվ օժանդակ համակարգը և շարքուղու պահպանման օժանդակ համակարգը. վերջին երկուսը սերիական նախատեսված են 3.500կգ-ից ավել ընդհանուր թույլատրելի զանգված ունեցող ավտոմեքենաների համար: Մթության պայմաններում բարձր արդյունավետության LED լուսարձակները, որոնք առաջարկվում են որպես տարբերակ, հեռավոր ու պայծառ լույսով լուսավորում են ավտոմայրուղին:

Վթարների ժամանակ ստանդարտ անվտանգության բարձիկը կարող է օգնել պաշտպանել վարորդին բախման պահին: Ըստ ցանկության վարորդի և կողքի ուղևորի համար առաջարկվում է ևս հինգ անվտանգության բարձիկ:

Արդյունավետ է, երբ կա դրա կարիքը:

Ընտրելով Սպրինտերը՝ Դուք ընտրում եք մի ավտոմեքենա, որն ավելի քան 20 տարի տպավորիչ կերպով ապացուցում է իր արդյունավետությունը: Նոր Սպրինտեր բեռնատար ֆուրգոնը շարունակում է այս հաջողության պատմությունը իր ապացուցված որակով և հուսալիությամբ։ Ընդ որում, Դուք օգտվում եք նրա արդյունավետությունից ի սկզբանե՝ գրավիչ մեկնարկային գին առաջնաքարշակ անիվներով և բազմաթիվ կոնֆիգուրացիոն հնարավորություններով մեքենաների համար, որոնց դեպքում Դուք պատվիրում եք հենց այն, ինչի կարիքն իսկապես ունեք:

Քանի որ մենք հաճույքով ենք բարելավում լավը, մենք կատարելագործել ենք մեր դիզելային շարժիչների վառելիքի ծախսը: Ձեր ընկերության արդյունավետության համար առաջարկվող այլ առավելություններն են օգտագակար բեռնատարողության ավելացումը, 50լ վառելիքի բաքը5 և ըստ ցանկության տեղադրվող հետևի ապակեմանրաթելային զսպանակը:

Սպրինտեր Շասսին այս կերպ համակցում է վառելիքի ծախսի խնայողությունը և խելացի ֆունկցիոնալ հնարավորությունները տեղափոխման բազմակողմանի արդյունավետ լուծման հետ:

1

Անիվների առաջնաքարշակ համակարգը հավանաբար կառաջարկվի 2018թ. 4-րդ եռամսյակից սկսած:

2

Ստանդարտ 6-աստիճան մեխանիկական փոխանցումատուփը V6 OM642 դիզելային շարժիչի հետ միասին հավանաբար կառաջարկվի 2018թ. 4-րդ եռամսյակից սկսած:

3

Միայն առաջնային քարշակման հետ:

4

Սմարթֆոնի ինտեգրման ֆունկցիան հավանաբար կառաջարկվի 2018թ. 4-րդ եռամսյակից սկսած:

5

50 լիտր տարողությամբ հիմնական բաքն առաջնաքարշակ անիվների հետ միասին առաջարկվում է որպես տարբերակ Sprinter Chassi-ի համար:

Հարմարեցվում է գրեթե յուրաքանչյուր պահանջի:

Տարբերակների այնպիսի բազմազանություն, որքան որ բեռնափոխադրումներն են:

Նրա մոդելային տարբերակներն ու բազմաթիվ համալրումները թույլ են տալիս Սպրինտեր Շասսին հարմարեցնել բեռնափոխադրման ցանկացած առաջադրանքի համար: Եթե որոշիչ է օգտակար բեռնատարողությունը, լավագույն տարբերակը 5.500 կգ զանգվածով ավտոմեքենան է: Մոդելը նախագծված է հատուկ որպես կիսակցորդ մեքենա ծառայելու համար, և կցորդի թույլատրելի ընդհանուր զանգվածը կարող է լինել մինչև 8.750 կգ, օրինակ՝ կարող է օգտագործվել ավտոմեքենաների փոխադրման համար: Ստանդարտ վարորդական խցիկում տեղ կա մինչև երեք ուղևորի համար, իսկ երկշարք խցիկով անգամ մինչև յոթ հոգուց կազմված փոքր աշխատանքային խմբերը կկարողանան մեկնել աշխատանքների կատարման վայր: Հատուկ ոլորտային պահանջների համար արտադրողի կողմից որպես ընտրություն առաջարկվում են բազմաթիվ լրացուցիչ լուծումներ փորձված լավագույն որակով:

Թեթևացնում է ծանր աշխատանքը:

Վարորդական խցիկն իր հիանալի տեսադաշտով նախագծվել է այնպես, որ վարորդի առօրյան առավելագույնս հաճելի դառնա: Դրա համար առաջարկվում է վարորդական նստարանի 5 տարբեր տեսակների ընտրություն, որոնցով հնարավոր է բավարարել հարմարավետության տարբեր կարիքները: Այդ թվում առաջարկում ենք նստարաններ, որոնք բավարարում են «Առողջ մեջքի ակցիա» գրանցված ասոցիացիայի չափանիշների: Կառավարման և տվյալների ցուցադրման ժամանակակից լուծումներն, ի թիվս այլ առավելությունների, աչքի են ընկնում նաև նրանով, որ հնարավոր է ինտեգրել սմարթֆոնները և հպումային էկրանների ու բազմաֆունկցիոնալ ղեկանիվի միջոցով կառավարել որպես լրացուցիչ համալրում առաջարկվող մուլտիմեդիա համակարգերը: Վարորդական խցիկի կարգուկանոնի համար հոգ են տանում մոդուլային կառուցվածքով և հեշտ օգտագործելի պահատեղերը, որոնք ըստ ցանկության կարող են առաջարկվել նաև կափարիչով, ինչպես նաև խելացի բազմաֆունկցիոնալ տուփը, որի վրա հենց մեքենայում կարելի է հարմարավետ կերպով աշխատել, գրել:

Վարորդի նստարան Կոմֆորտ

MBUX մուլտիմեդիա համակարգ, 26 սմ հպումային էկրանով

Պահատեղ սմարթֆոնների համար, ներառյալ՝ անլար լիցքավորումը

Կափարիչներ աջ և ձախ կողմի պահատեղերի համար

KEYLESS-START

Օդորակման ավտոմատ համակարգ THERMOTRONIC

Հատուկ նախագծված թափքեր:

Որպեսզի Ձեր բեռնատարը համապատասխանի Ձեր մասնագիտական պահանջներին:

Եթե Ձեր կարիքները փոքր-ինչ առանձնահատուկ են, հնարավոր է, որ Mercedes-Benz-ն ունենա ճիշտ լուծում Ձեզ համար: Մենք կօգնենք Ձեզ և կառաջարկենք ամուր թափքերի օպտիմալ կիրառելի լուծումներ առաջին ձեռքից կամ մեր հավաստագրված գործընկերներից: Դրանով Դուք առավելագույնս պատրաստված կլինեք շինարարական կամ Ձեր առաքման և արհեստագործական գործունեության համար։